[left.htm]
Deuxième vente du fief d'Eschentzwiller
Transcription
transcription Nithart 1481 (ADBR.39J.famille d'Andlau) JJW 24.03.2010
1 Wir Official des Hoffs zuo Basel tun kunt menglichem mit urkund dis brieffs das wir von erichtlichem begeren und anruffen / der edlen strengen herren
2 Lazarus und Hartung von Andlo rittern / disem hienach geschribnen unsers hoffs geswornen notarien bevolchen / und der gewust geben haben / dise hienach genempte
3 gezugen / an die genan(ten) hr(ren) Lazarus und Hartung von Andlo / sich zuo kunfftiger gedechtnus / v(er)gangen(er) dingen zuo kuntschafft der warheit zugtent, sine sich von
4 wegender genan(ten) h(e)r(re)n Lazarus und Hartung von Andelo / inn krafft unnsers ordenlich(e)n gewalts / kuntschafft der warheit zuosagen / und desshalb zuo sweren zu
5 beruoffen die inn eid zu ne(m)men und uff derselben h(e)r(re)n Lazarus und Hartungs von Andlo / meynung / so sy vor unns offneten / zuo verhoeren / und ir sag ge-
6 -truowlich und uffrechtlich zuo beschriben / inn krafft soelliche(n) unser bevelch / der nochgenant notarius gen Escholtzwilr geritten ist / und hatt dise nochgeschri-
7 -ben gezügen für sich berufft und geladen / die ouch also erschinen / ir eiden und pflicht donnt sy den obgenan(ten) h(e)r(re)n Lazarus und Hartung von Andlo
8 verpflicht / durch denselben h(e)r(re)n Hartung in diser sach ledig gelossen sint / und denen derselb notarius / inn krafft unns(ren) gewalt sann / dero er sich
9 dar inn gebruchte / har inn obgerurter sach halb / kuntschafft der warheit sovil und dann inenn / von dem so an sy gezogen / zu wissen we(re) / zu sagen / und
10 das uns kemerley sach willen / underwegen zuo lossen / gebotten hatt / die ouch alle liplich zuo gott und den heiligen sollich kuntschafft also zuo sagen mit
11 uffgehepten hennden und gelerten worten / gesworn und by denselben iren eyden / alle einhelliglich geseit haben / inmassen hienach stat / nemlich Cle-
12 -win Kun / by nüntzigk(en) jaren alt Clewin Schaffner / und Clewin Nithart / by achtzig jaren alt / Hanns Müller / Caspar Henslin und Ludwig Nithart
13 alle by sechsszig jaren alt Mattheus Adlin ob fünfftzig und fünff jaren alt / alle von Escholtzwilr / sagent einhelliglich das sy alle und jr reglicher insunders
14 von jren vettern / und den alten von Escholtzwilr / unzallich gehört haben / d(a)ss die h(e)r(re)n / so das dorff Escholtzwilr gehept haben / nemlich vor guoter zyt / die edlen
15 vom Huss und darnach die edlen von Andlo sollten und möchten / stock und galgen / ouch die hohen gericht zuo Escholtzwilr / und sunderlich hoch und
16 nider dazuo richten / haben ouch sollich hochgericht oder galgen / gehept hetten / und ston sollten haben / inn dem bann zuo Escholtzwilr uff der Ebene by dem
17 Juden brun(n)en und insund(er)s so seit Clewin Kun das er vor sechsszig jaren v(er)gangen von wilent dem alten Clewin Nithart von Escholtzwilr seligen
18 gehört der jm ouch geseit dass er den galgen von Escholtzwilr uffrecht ston gesehen hette / an dem ende als obstat / dessglichen so hab Henman Schultheis
19 von Escholtzwilr / im vor funffzig jaren vergangen / ein holtz / als ob es von einem galgen gefallen wer / so da lag / an dem weg / nehe by der obgenan(ten) statt / ge-
20 zeigt und im geseit / es w(e)r(e) von dem galgen zuo Escholtzwilr so daselbs gestanden / und von alter umbgefallen we(re) / so seit Caspar Hensslin dass er vor langer
21 zyt nemlich als er ein knab we(re) / von Henni Hensslin sinem vatter seligen / gehört / der im uff sinem acker uff der Ebene / inn Escholtzwil(e)r(er) bann gelegen seit
22 und sprach / disser acker heisset der galgen acker / und uns(e)r(en) h(e)r(re)n von Andlo / sollten einen galgen daselbs stan / ouch stock und galgen zuo Escholtzwilr haben /
23 irem insunders / so seit der genant Clewin Nithart / dass inn der zÿt / und er ein knab von zwölff jaren we(re) / wilent Clewin Nithart sin vatter selig im
24 uff der Ebne inn Escholtzwilr bann / bÿ dem Juden brun(n)en / ein eichen holtz / mit dem zapfen / und sust inmassen geschaffen / als ob es ein siten von einem
25 galgen we(re) gewesen / zoïgte / und retd / dass söllich holtz / ein stück von dem galgen / so daselbs gestanden / und von eln nidergefallen w(e)r(e) / und werd furer das
26 die he(rre)n von Escholtzwilr / daselbs / einen galgen ston haben söllten / Als ouch der nidergefallen galg daselbs / lang gestanden we(re) / und sy liessen es an stag
27 und satzten keinen and(ere)n galgen dahÿn / dass möcht inen harnach schaden bringen / söllichs und nit and(ere)s / haben die genan (ten) gezügen inn kuntschafft
28 wise geseit / niemant zü lieb noch leid / sunder durch der warheit willen / und des alles so obstat zuo urkund so haben wir Official obgenant
29 unnsers hoffs ingesigel offennlichen geton hencken an disen brieff / der geben ist uff dornstag noch dem Sonntag so man zuo dem ampt der heilige(n)
30 messz gesungen hatt / esto michi / inn dem jar als man zalt von XRI geburt thusent vierhundert achtzigk und eyn jar
Jo. Salezman wörms
Curie Basilien(sis) her( )
Merci à Monsieur Jean Jacques WOLF pour avoir transcrit ce document le 24 Mars 2010
Cliquez sur: RETOUR